مي الغيطي تكشف السبب وراء عدم الظهور في أعمال فنية منذ فترة والغياب عن الأضواء

كتبت: هاندا وليد

كشفت الفنانة مي الغيطي عن السبب وراء عدم الظهور فى أعمال درامية منذ فترة وأوضحت الغيطي أن السبب هو تعرضها لحادث كبير قبل أشهر وهو ما تسبب في اختفائها لفترة طويلة.

وسردت مي الغيطي ما حدث لها خلال رحلتها في تايلاند.ونشرت مي الغيطي عبر حسابها على Instagram فيديو وكتبت تعليقا عليه: “في ناس كثيرة بتسألني أنا كنت مختفيه ليه، من 7 شهور كنت في حادثة حصلت في تايلاند، اتخبطت بعربية نقل في العربية اللي كنت فيها، واتصبت إصابات بالغة. حصلي كسر في الحوض وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي. قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمهم”.

وتابعت الغيطي: “مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط، بعد علاج طبيعي فترة وكل شوية نكتشف حاجة جديدة أنا دلوقتي أحسن بكتير جدا الحمدلله وأي حاجة محدش كان متخيلها بعد فترة نسبيا قليلة”.وأختتمت مي الغيطي: حاسة إني كنت عايزة أشارك ده دلوقتي عشان أقول أن الجسم عنده قدرة رهيبة على الشفاء.. أقوى بكتير مما نتخيل وأنالتعافي بياخد وقت، بس بييجي. لو إنت بتمر بوقت صعب، أرجوك كون صبور مع نفسك عشان عدم فقدانك إيمانك انك هتكون أحسن بجد بيفرق في قدرتنا على تحمل الصعاب إللي بتقابلنا فى الحياة وفى النهاية كل شئ بيحصل لنا هو قدر ولازم نرضي بيه