كتب: كريم حسن
كشف إمام عاشور لاعب الفريق الأول لكرة القدم بالنادي الأهلي كواليس انتقاله إلى المارد الأحمر بعد العودة من نادي ميتييلاند الدنماركي.
وقال إمام عاشور في تصريحات عبر قناة «الأهلي»: «لم استطع التأقلم على الأجواء في الدنمارك، ثم جاءت إصابتي فقررت العودة إلى مصر من أجل العلاج».وأضاف: «عندما قررت الرجوع إلى مصر من أجل العلاج من الإصابة التي لحقب بي مع نادي ميتييلاند الدنماركي، كلمني أحمد يحيى وكيل اللاعبين وقالي أمير توفيق، مدير التعاقدات بالأهلي عايز يطمئن عليك».
وتابع: «أمير توفيق قالي لو عاوزت أي حاجه كلمني في أي وقت وأنا زي أخوك، متترددش».
وأكمل: «أول لما رجعت مصر كلمت حد من نادي الزمالك وقولتهم أنا عايز أرجع ومش عايز أكمل احتراف، وفضلت شهر ونصف محدش بيسأل فيَّ، كنت بروح أعمل استشفاء وامشي، ولم يظهر الأهلي في الصورة وقتها».
وزاد: «بعدها كلمت حد في الزمالك وقولتلهم عاوز أرجع من الاحتراف، ورد عليًّ مسؤول (فني) وقالي طب ما تدفع أنت الفلوس، عشان مفيش في النادي فلوس، قولتله أدفع إزاي وأنا مبلغ النادي بالرحيل».
وواصل: «وقتها مكنتش عارف أعمل أي بسببالإصابة، لحد ما أحمد يحيى قالي أمير توفيق عايز يكلمك، ومفيش حد يجيله الأهلي ويرفضه، ولما ملقتش تقدير من نادي الزمالك، قفلت قصتهم تمامًا».
وأتم: «بعدها أمير كلمني عن اللعب في الأهلي وأعطيته وعد وموافقة».
