سنين بتمر عا الدنيا
ولسة حالنا هو الحال
ولسة عقولنا بتأمن بوهم قرأه الفنجان
سنين من وانا صغير
بقف وانا فكرى متحير
حاجة تشيب الأفكار
وكنت بشوف قصد عيني
حاجات صعبة تخلينى عاجز محتار
لا عارف اهدا من حيرتى
ومن خوفى على جارتى
دموعها بتبكى لليل ونهار
لا عارف اية مخليها دموعها تحيا فى
عنيها…..أكيد الدمع لة أسرار
وقلت ارقبها….اشوف عيبها
واية ورا سر تعذيبها
لقيتها قاعدة وياها.واحده غريبة
الاطوار…بتحكيلها…وتتحاكى
وتشكلها وتتباكى..قصة غريبة
فى الفنجان
ودا يا اختى طريق مسدود
وهم كبير مالوهشي حدود
واحلامك اخيرها دموع
تصعب على قلبك الموجوع
لكن فى نهاية الموضوع
تقول رب العباد موجود
كبرت وكبرت احلامى.وهربت بى ايامى
وانا قاعد مع أفكاري.وفنجان
قهوة وسجاري
لعب باالفكر انا شيطاني
وقلت أجرب الاحوال
واشوف اية لعبة الفنجان
واعمل ذيها باالظبط.واية همز الصلة والربط
ما بين الست والفنجان
حقيقة دي ولا خيال
قلبت بسرعة انا الفنجان
بقول يمكن يخوني الحال
واحس حقيقة الموضوع
ببصى بعيني ف.الفنجان لا فية
الضحكة والدمعة ولا قصة حبها المخدوع…ولا ضلمة تئيدها شموع
ولا حتى قلبها الموجوع
فهمت نهاية الموضوع
فية ناس تلعب بعقل الناس
وتضحك عا العقول وخلاص
وجهل طول السنين منشال
ودى هية. حكاية الفنجان
