كتب: كريم حسن
فجر الإعلامي أحمد شوبير، حارس مرمى الأهلي السابق، مفاجأة جديدة بشأن مستقبل محمد صلاح قائد منتخب مصر وهداف فريق ليفربول الإنجليزي في الفترة المقبلة في ظل عدم تجديد عقده مع ليفربول.
وقال شوبير في تصريحات إذاعية: محمد صلاح كتب كلمتين قال فيهما: شكرا لكم على دعمكم الليلة الماضية بغض النظر عما يحدث لن أنسى أبدا شعور التسجيل في أنفيلد ، هو طبعا سجل الان هدف الفوز لفريقه وجعل ليفربول متصدر جدول الدوري الإنجليزي».وأوضح شوبير: طب إيه الموضوع، الموضوع إن ليفربول لسه لم يتفاوض مع محمد صلاح كانوا هيتفاوضوا معاه قبل ماتش نوتينجهام فورست وبعدها ما اتكلموش تاني، وأنا هقول لكم موقف صلاح النهائي اللي مش هتسمعوه في أي حته واللي وكالات الأنباء العالمية هتنقلوا عني
.وتابع حارس الأهلي السابق: محمد صلاح المشروع القادم لنادي باريس سان جيرمان ومحمد صلاح منفتح على الانتقال لبطل فرنسا ومحمد صلاح فنيا لاعب رائع والانتقال ده له أبعاد تانية عربية وجماهيرية فرغبة باريس سان جيرمان وصلاح بتتلاقي وفيه اتفاق كامل ده في حال تقاعس مسؤولى ليفربول عن تجديد عقد اللاعب»
وأضاف شوبير: طيب إيه الموقف في ليفربول،هو نظام التجديد في ليفربول لو اللاعب تجاوز الـ30 سنة بدل ما يجددوا له 3 سنين يجددوا سنتين ولو تجاوز الـ 32 يجددوا له سنة واحدة، فمحمد صلاح قال لهم لأ عقدي لن يقل عن عامين ومرتبي لن يقل وربما يزيد.
