تعالوا نصلح أخطائنا
تعالو نجمل الصورة
وليه بنحط اشوقنا فى صور
براويزها مكسورة
ضيعنا عمرنا استفزاز
وليه خلينا ملامحنا
بتشبه زمبلك هزاز
ولا بترسا فى يوم على حال
ولا بتتغير الاحوال
نقول تاخد يومين ويتمر
واهو يوم حلو مع يوم مر
بقت احلامنا مكسورة
بعدنا خلاص باوصفنا
بقت ايامنا بتخفنا
ما بتتعرفشى عا الصورة
تاهت عنا ملامحنا..
ومش هى ملامحنا
زرعنا الخوف لبعضينا
يا زمني انا اللى ليك ماحقوق
انا ما فهمتكشى من الأول
بقيت عنك انا اتحول
بروح السارق.المسروق
يا قلبى اصحا يلا وفوق
بروحك انجا من البرواز
اخرج من روح الأشباح
تخدنا رياح تجبنا رياح
مسيرنا خلاص فى يوم نرتاح
من الضعف إللى مالينا
تبان صورة بسطور واضحة
بصور تشبه معانينا
كلمه حب مش جارحة
ونظرة شوق بتحينا
ساعتها زمنا يعرفنا
ويتعرف على أوصفنا
ويترد الأمل فينا
ساعتها. انحنى باعزاز
لأجمل صورة فى البرواز
وترجع تانى اشكلنا الحقيقية
بشر ونعيش ونتمنا
تعود لنا الحياة جنة
وتحيا. طبيعه الإنسان
