شوبير يوجه رسالة هامة لـ مسؤولي الزمالك متعيش الناس في وهم رونالدينيو وخيال صفقة راموس عيشوا الواقع

كتب: كريم حسن

وجه الإعلامي أحمد شوبير حارس مرمى الأهلي ومنتخب مصر السابق. رسالة هامة لمسؤولي ادارة الزمالك بخصوصى التصريحات الأخيرة المتناقضة من مسؤولي نادي الزمالك حول صفقة المدافع الإسباني المخضرم سيرجيو راموس نجم فريق ريال مدريد السابق الذي ربطت بعض التقارير بينه وبين القلعة البيضاء في الأيام القليلة الماضية.

وقال أحمد شوبير في تصريحات إذاعية: «سمعت شوية تصريحات هشام نصر نائب رئيس نادي الزمالك وأنا الحقيقة بتمنى يتم توحيد الخطاب بين المسؤولين هشام نصر وحسين لبيب وكل أعضاء المجلس».

وأوضح شوبير: «هاني شكري عضو مجلس إدارة نادي الزمالك قال راموس حاجة جميلة جدا وعظيمة لكن مش جاي الزمالك ومفيش فلوس، بعدها هشام نصر طلع قال: ابني بيقود المفاوضات بنجاح ساحق وهى بس السيولة المالية بس المبدأ راموس موافق والنجم الإسباني عايز ييجي جدا جدا».

وتابع شوبير: «معلوماتي الشخصية إن راموس رفض اللعب في أمريكا، وأنا في الحاجات دي بالي طويل جدا جدا فباب القيد في مصر هيغلق يوم 25 أكتوبر فأنا هنتظر من النهارده 3 أكتوبر لغاية يوم 25 وهشوف إيه اللي هيحصل».

وأضاف شوبير: «متعيش الناس في وهم رونالدينيو بتاع زمان، كان يتقال هو جاي يا سيادة يا فندم يقول لك اه اتصلنا وخلصنا وفيه حاجات صغيرة بس كده بنخلصها وهو مبسوط وعايز ييجي نادي الزمالك».

وأوضح شوبير: «وساعتها طلعت وقلت يا جماعة لو سمحتم نحترم عقول الناس فطلعوا هاجموني وقالوا لي أنت مستخسر رونالدينيو في الزمالك، لا والله العظيم يا جماعة مش مستخسره ونفسي ييجي ويلعب معاكم، بس فيه كلام بالعقل يعني فأنا هستنى ليوم 25 وهشوف القصة شكلها إيه هل نجل المهندس هشام نصر هيقدر يقنع راموس يلعب في الزمالك تبقى حاجة عظمة

مين فى مصر مايحبش يشوف رامواس فى الأندية المصريه لكن ننظر للحقيقة من ثقب أكبر علشان الرؤية توضح واللي يقال عن انتقال راموس للزمالك قمة العبس بعقول جماهير الزمالك والناس

الحقيقة لو حصلت مش بتريق لأ بحق وحقيقي