لما تيجي علينا الدنيا
لما تغليبنا الحياة
لما فجأة نلاقى روحنا
ماشين فى مليون اتجاة
لما نوصل للنهاية.بدري من قبل البداية …….ونلقي روحنا
بقينا خلاص ماشين على سطر
وبنسيب سطر
قلوب الناس بقت تتمنا
يدوب الستر
راحت فين مننا ارادتتنا
راحت فين مننا قوتنا
ضاعت من جونا ضحكتنا
واللى بقينا يدوب احلام
وايام صعبة عايزة البتر
كل ما فينا محتاج معجزة
وامال فينا تكون منجزة
ليه بقينا بنحلم ب.الماض
اكتر مانفكر بالحاضر
حلم فقير وبقيت بيه راضى
كانة بكرة…..صعب ونادر
اصحى اتحرر من احزانك
ارسم فى خريطة ايامك
خللى امالك تمشى اقبالك
حسس روحك انك قادر
قوللى لغايت امتة حاتقضل
جوة كهوف الوهم مهاجر
جالك ايام صعبة شوية…هانت
اصعب منها مسييرها تعدى
بكرة تقول.دي ايام كانت
لما تعود للحلم الوردى
قوم اتحرر نفسك حرر من أوهامك
حسس روحك انك تقدر
والمستقبل جاى قدامك
انك تبقى بسيط مش عيب
لكن تبقى قليل الحيلة
هو اللى على أيامنا غريب
اوعى كلامك ينقص نقطة
دايما كمل لآخر السطر
ما تخليش احلامك ساقطة
رتب احلامك قدامك
عالطول ذى قضيب القطر
ساعتها حاتفخر من نفسك
وتكمل أملك باالستر
والسطر يكمل بالسطر
