![](https://nabdelsharialmasry.com/wp-content/uploads/2024/07/IMG-20240525-WA0067.jpg)
برغم.ضعفى
بيك ومن غيرك حاكمل
برغم ضعفى من البداية
حاوصل معاك لآخر الحكاية
وأكون قوية مش حاسلم
حولت ضعفى لأنتصار
قوية رافضة لانكسار
أصل اللى مجروح قلبها
آية باقى راح يفضل لها
غير هو رد الإعتبار
أنا كنت عارفة من البداية
حايكون مصيرنا دا النهاية
زاى اللى حبو قبلنا
وفضلو عايشين الحياة
خايفين لنكسر قلبنا
مش عارفة لية مستغربة.
جات النهاية قريبة
من قلبى انا متاكده
طبعك وطول عمرك كدة
بتهوى حب الأمتلاك
تظهر قصاد الناس ملاك
وانا جواه قلبى بحور هلاك
تَعِبت قلبى كتير معاك
واقول دا المقسوم لى رضا
بعلنها ثورة على المشاعر
على قلبك اللى ماكانشي شاعر
بقيمة النعمة فى أيدية
من قلبى بعلن بإختصار
قوية رافضة الانكسار
قدام مشاعرى مش حاسلم
بيك ومن غيرك.. حاكمل