إتحاد الكرة فى ورطة بسبب مستحقات روي فيتوريا والبرتغالي يطالب ب5 مليون يورو
كتب: كريم حسن
قال الإعلامي أحمد شوبير، أن مستحقات البرتغالي روي فيتوريا، المدير الفني السابق لمنتخب مصر، تعد عبئ كبير على اتحاد الكر. المصري وأوضح شوبير في تصريحات عبر برنامجه الإذاعي في «أون سبورت إف أم»: «عندنا كارثة سودة، في البرنامج ده وفي التليفزيون قولتلكوا يا جماعة بلاش الفاصلة، الراجل ليه 430 ولا 420 ألف يورو أو دولار، ابعتوهم واخلصوا مش عاوزين وجع دماغ لأن هندفع هندفع في الأخر، قالك لأ احنا بنراجع لقينا فاصلة ولقينا لام ألف».
وتابع: «يا جماعة الناس برا معندهمش الكلام ده، والراجل ده عنده محامي شاطر وكسب قبل كده من النصر السعودي مبلغ وقدره، خلصونا، المهم روحنا وجينا وقالك في الأخر الفاصلة ملهاش لازمة، وهنبعتله الفلوس».
وأردف: «الراجل بدأ يشيط بسبب الاخلال بالاتفاق. المصيبة إن احنا هنلبس في 5 مليون يورو أو دولار، احنا بعتناله الفلوس بس مخدناش اثبات إن ده شرط جزائي».
أتم: «خلي بال حضراتكم احنا لو لبسنا في الخمسة مليون دولار دول، دول 250 مليون جنيه، هو احنا فلوسنا على المشاع ولا ايه، دي لابسة سودة وكارثة بكل معاني الكلمة».
