رئيس نادي سموحة يفجر مفاجئة بشأن قطع الكهرباء فى مباراة بيراميدز واعترفات خطيرة لبيراميدز بشأن المباراة

كتب: كريم حسن

فجر فرج عامر، رئيس نادي سموحة، مفاجأة كبرى بشأن أزمة مباراة فريقه أمام بيراميدز، والتي ألغيت بسبب نشوب حريق في استاد الإسكندرية
ونشب حريقًا خلال مباراة سموحة وبيراميدز، التي جمعتهما أمس الأول الجمعة، في الجولة 28، على إثره توقفت المباراة، قبل أن يقرر الحكم الإلغاء بشكل نهائي.

وقال فرج عامر في تصريحات عبر قناة «النهار»: «احنا بتحكمنا القوانين واللوائح العملية أبسط من كدة بكتير. دي حريقة وده ظرف قهري التيار الكهربائي مكنش مقطوع».

وأضاف: «ماس كهربائي نتج عنه حريق، محدش قطع النور، والملعب ده مش بتاعنا، ده استاد الإسكندرية ومش احنا بس اللي بنلعب عليه».

وأكمل: «إذا كان بيراميدز لما حصل الكلام ده مكانوش عايزين يكملوا وفي تسجيلات بالكلام ده بس أنا مليش في الكلام ده، ده كلام متداول».

وتابع: «عايز الماتش يتحسب لسموحة؟ لا أنا بتحكمني اللوائح، والرابطة أعلنت رأيها، أنا لست طرفًا مع بيراميدز، وفي تنافس شريف بيننا، أنا طرف مع الرابطة واتحاد كرة القدم وبتحكمني القوانين والقواعد».
هذا وكان بيراميدز قد أصدر بيانًا أكد خلاله أن ما حدث لا يعد ظرفًا قهريًا، ووفقًا للائحة المسابقات، يجب اعتبار فريق سموحة مهزومًا واعتبار بيراميدز فائزًا بنتيجة 2-0