أنا نفسى ياعالم أكون انسان
انسان يعنى بمعنى الإنسان
الخير جوايا ملهوش حدود
وضميرى الصاحى يهد سدود
ولا اسمع صوت طلقات وبارود
واشوف الخير فى الناس موجود
وعايش على الخير
والحب الغير
وان شفت ضعيف بجناح مكسور
أفرد جناحين عليه ونطير
من دنيا حقيره وحلم حقير
لزمان بيعيش فيه الانسان
يعني إنسان
واشوف فى عيون كل الأطفال
مشاعر حب مش استسلام
ولا طفل يخاف مستقبل جاى
ولا أب يخاف كلمة إلزام
نفسى يا عالم اصحى من النوم
وأعلى الضحكة بصوت مشجون
بمشاعر صدق ومعنى سلام
وقلوب على كلمة خير عاشين
الايد للايد فى الخير تتمد.
على كلمة نبنى مش بنهد
يعنى الانسان فيها انسان عايش للخير
