ببعتلك كل طلعة شمس
أهات من قلبى تيوصلك
وأخاطب نبض قلبى بهمس
وأقول دقاته توصلك
وفايت روحى بتعانى
تغيب الشمس وتروح لك
وأخر اليوم تعود تانى
وترجع بالسؤال يانى
ودا ذنبى عشان حبيت
نسيت طعم الحياة فى عنيك
بقى من حقى تنساني
حاعود روحى على بوعدك
وأكمل عمرى من بعدك
وأقول لقلبى عيش تانى
ولما تمل من بوعدك
وتكره كل شئ عندك
وترجع ليا من تانى
ساعتها مش حاتعرفنى
حا بان واحدة غير الواحدة
واحدة كسرها الوحدة
غالبها البعد بتعاني
ماعدشى هواك بيخطفنى
ولا بيداوى أحزانى
ولو تسمحلى أوصفلك
بعادك عندى زاى الشمس
ساعات تشرق ساعات تغرب
وفى الأخر تفوتنا بهمس
ببعتلك كل طلعة شمس
