كتبت: هاندا وليد
وقالت ياسمين عبد العزيز: “والدي ووالدتي كانوا منفصلين من وأنا عندي 9 سنين، ولما دخلت الإعلانات كان عندي هدف إني أكون مسؤولة عن نفسي، كنت مركزة إنى عاوزة أبقى حاجة ويكون معايا فلوس وناجحة، ولما دخلت في شغل الإعلانات وانا عندي 12 سنة، أمي كانت بتيجي معايا التصوير، وأنا اللي كنت أتفق على كل حاجة وعلى الفلوس، وانا اللى بقول هعمل اعلان إيه بالظبط”.
واضافت ياسمين عبدالعزيز: “أنا مش بحب أحمد أنا بعشقه، لما حبيت أحمد اكتشفت أن أنا مكنتش بحب قبل كده، إن الحب اللي قبل كده ده أنا محبتش، أن أحمد أول حب في حياتي، وكنت فاكرة أن قبل كده ده حب، لا مكانش حب لأ هو الحب الحقيقي أحمد، وأنا عن نفسي عملت استخارة وروحت عملت عمرة ودعيت ربنا اللي رايده هيكون”.
وأشارت ياسمين عبدالعزيز: “أنا عملت العملية، عشان أشيل الأكياس عشان أحمل، وبعد مسلسل اللي ملوش كبير، اتفقت مع أحمد إني أحمل ويكون عندنا طفل، ولما دخلت العملية حصلت غلطة وربنا كتبلي عمر جديد”.
