حال الدنيا إللى فيه عايشين
ووخدانا الحياة على فين
بنمشي وإحنا مش عارفين
وبنكافح وبنعافر
ولسة بنأذى ناس تانيين
بحال الدنيا مش راضين
ودى الدنيا بأشكالها وألوانها
بتغير فجأة أحوالها
ومابترساش على حالها
بتبقي معاك
وتضحك لك
وبتغير قوام شكلك
فى ثانية وأقل من الثانية
قوام تنساك
وفجأة تروح لناس تانية
حال الدنيا
نصيحة مني ما تسلمش
فى أحلام تايهة مابتكملش
وليه بنلوم وبنعاتب
على مين بس حاتعاتب
دا حال الدنيا عيش فيها
وعاجب ولا مش عاجب
ونسعى وكله على الله
دا غيرك من الهموم والله
تشوفه فى يوم ما تتمني
تكون لحظة على حاله
وراضي بحاله وإستني
نعم ربك كتبهاله
مادام باب الأمل مفتوح
وجواك النفس والروح
نعم ربك كتبهالك
دا ياما خلق جواها
هموم الدنيا شايلاها
وعايشة بهمها معاها
وتبسم حلاوة روح
دا كون ومقسمه ربك
ورزقك واخده يوم لا محال
ومتقسم على قدك
وليه نسرح فى قولنا وقال
ودى كانت ودا يوم كان
مادام الرزق ليه أسباب
فسبحان العاطي الوهاب
ما تفقدش الثقة فى ربك ونتكعبل ورا الأرزاق
نسيب الرزق على الرزاق
ودا بردو حال الدنيا
ولا نفكرش ولا ثانية
فى حال الدنيا
دا كون ومقسمه الخلاق
حال الدنيا
