الفنان يحيى الفخراني ينتقد طباع الشعب المصري فى التبذير من أجل التفاخر والفشخرة

كتبت: هاندا وليد

انتقد الفنان يحيى الفخراني طباع الشعب المصري فى موضوع التبذير وخصوصآ من أجل التباهي والتفاخر امام بعضنا مؤكدا أن الحياة لا تستدعي كل هذة الأفعال

وقال الفخراني خلال أحد اللقاءت التليفزيونية مفيش شعب في الدنيا بيسكن في شقة 200 متر وعامل نصها صالون وسفرة عشان لما يكون في ضيوف يقولوا والله بيتهم حلو
مفيش شعب بيعمل افراح ويعزم 600 واحد ويدفع مرتب 4 سنين عشان الناس تقول فرح اد المقام

احنا كلنا عايشين بالغلط بخلاف طبقاتنا واختلافتنا المادية من أول الشخص اللي ماسك ايفون وهو مرتبه 1200 ج لحد ست البيت اللي بتشتكي من غلاء أسعار الخضار وهي بترمي نصه اخر كل يوم احنا مش فقراء احنا بنحب المظاهر والمناظر ..

وأكد الفخراني لأننا شعب مستهلك وغير مُنتج، احنا شعب ممكن يضحي بمستقبله عشان القيل والقال ..

واختتم الفنان الشعب المصري فيه كل شيئ حلو الطيبة والجدعنة والرجولة لكن عيبة فى الفشخرة