من اللى قالك ان دية هية النهاية
دى البداية
لسة بناكل ونشرب لسة ب ننعم بالحياة
جوانا بنلعب ونرسم
فى الأمل واصلين لأخر منتهاه
لسة حامدين ربنا وراضين مصيرنا
لسة شايلين حلمنا ولا شئ كسرنا
لسة فينا قلب أبيض قلب صافى
قلب مابيعرفشى يكدب
لسة فينا حضن دافى
قلب مابيسألشى اية يخسر ويكسب
قلب فية الخير بيدى ومش حايتعب
لسة بنكمل حياتنا بالرضا
وخشوعنا فى صلاتنا
لسة فينا جوه قلوبنا حب
لسة عايشين مهما الدنيا ضاقت
لينا رب
هو قاسم الرزق عندة
حق ما بيضعشي عندة
لية بننسا ولية نعاندة
مانتا مِلكة مانتا عبدة
هات ايديك تمسك ايدينا
ننسا كل الهم فينا
بكرة من غيرنا وبينا
شمسه راح تطلع علينا
حب وافرح خلى شجر الورد يطرح
يحي أحلامنا الحزينة
مين اللى قال احنا انتهينا
احنا باقين بالأمانى فى الأغانى
فكل حاجة حلوة فينا
خلى شمس الغد تطلع
شايلا أحلامنا فى ايدينا
واحكى للأطفال غناوى
تنحكا مع كل راوى
علموهم فهِموهم الأمل نبض التفائل
وارسمو البسمة فى عنيهم
حلمنا رح يِحيا بيهم
هما دول بكرة اللى باقى
دعوة منى للأمل
بنظرة على بكرة بتفائل
