شوبير ينتقد أخطاء إدارة الزمالك بسبب تضيع الوقت وإخفاء الكرة كأننا فى العصر الحجري

كتب: كريم حسن

انتقدالإعلامي أحمد شوبير، نادي الزمالك، بسبب إخفاء إداريي الفريق الأول لكرة الزمالك الكرات في الدقائق الأخيرة من مباراة الفريق الأبيض أمام الأهلي في بطولة الدوري وطلب معاقبتة

.وأوضح أحمد شوبير، في تصريحات تلفزيونية عبر فضائية «أون تايم سبورتس»: «فية بعض الأخطاء أتمنى أن يكون فيها حساب وعقاب لأن في النهاية إحنا بنلعب كرة قدم وفي النهاية عايزين نستمع، اللي بيفوز بنقوله مبروك واللي بيخسر بنقوله هارد لك».

وقال شوبير: أن مباريات كرة القدم بتتلعب ب10 كرات عشان محدش يضيع الوقت زي زمان، النهاردة لعيبة الأهلي كانت بتدور على الكورة هي الكورة فين.

وتابع: «الكورة كانت في أخر الدنيا ورا ومش عارفين نحبها، ولا أكننا بنلعب في سنة 30، مدرب أحمال النادي الأهلي هو اللي رايح يجيب الكورة من ورا الجون هل ده مقبول نشوفه في مصر ؟! ده غير مقبول على الإطلاق

وأختتم: «إداريي الزمالك مع أحد الأطفال كانوا يقومون بلم الكور في الشنطة، وهنا ألوم على الحكم الرايع، لأن ده دوره، كان يجب عليه أن يستدعي إبراهيم نور الدين، حكم المباراة في تلك الواقعة».

وأتم: «اللي حصل مش مقبول، في النهاية إحنا بنلعب ماتش كورة وفي حاجة اسمها فير بلاي وفي حاجة اسمها احترام، ما تلعب ما الزمالك كان ممكن يجيب جون تالت وجون رابع ولكن بالشكل وده والطريقة دي غير مقبول، وفي الأخر تقولي غرامة 10 آلاف جنيه و20 ألف جنيه، أنا ميهمنيش الغرامة أنا يهمني إني أعلم النشء السلوك الصحيح»«في حاجة اسمها احترام».. تعليق ناري من شوبير على إخفاء الزمالك الكرات بمباراة القمة