قالولى أوصف حنان الأم كله
فى كلمتين
قولتلهم لو راح أوصف
محتاج أوصف سنين
أنا امى هى روحى هى نبضى
والضحكة والحنين
كنت اتعب قبل ما أحكى
قبل ماأشكى
اشوف عنيها تبكى وتمدلي الإيدين
اسهر تسهر قبالى وتتألم لحالى
وأحس نفسى غالى
فى عنيها الطيبين
وأشوفها ساجدة دايماً
تدعى لربى الكريم
وأسمع دعاها عنى
بتقول يا رب خلي
ودعاها تملى صوني
من كل شر عين
من قبل ما نصحى تصحى
تفرش فى البيت حنان
دايماً نصايحها واضحة
بتوصل للأمان
سر الخير اللى فينا
دايماً بتخاف علينا
لو تتعب مرة هى
بتدارى قصاد عنيا
لو أسأل ايه إللى بيكى
تجاوبنى بإبتسامة
تسلم يا نور عنيا
وتغير الكلام
هى الصادقة الوفيه
رسول الإنسانية
قال خير صحبة هي
وياك طول الحياة
سر الحياة فى رضاها
حظه اللى ينول دعاها
ربك وصاك عليها
الجنة حاتلاقيها
من رضا الأمهات
شكراً أمى الحبيبة
شكراً يا كل طيبة
شكراً يا كلمة حلوة
من لحظة الولادة
باقية ليوم المامات
شكراً من كل قلبى لكل الأمهات
رحم الله أمى وأمهاتنا جميعاً
وغفرلهم وأسكنهم فسيح جناته
