كتب: كريم حسن
علق نجم الأهلي محمود كهربا عبر حسابة الشخصي على التوفيق من الإنتهاء من دفع غرامة نادي الزمالك قائلآ
بفضل و رحمة ربنا عليا انتهت الحدوتة بعد 5 سنوات من حرب و ظلم و فساد و شماتة …
وعلق كهربا قبل اي كلمة ممكن تتكتب يستحق النادي الأهلي و جمهوره كل التضحيه و الشكر لأخر العمر ،
واضاف النجم ربنا نصرني و الحمدلله
عذراً لكل من انتظر سقوطي لكل الشامتين لكل حد قال كهربا انتهى بفضل الله و كرمه عليا و بعد كم الظلم الي اتعرضتله ولكن الحمدلله كان معايا دايما ربنا العدل و الحق و نصرني الحمدلله . شكرا كابتن محمود الخطيب المحترم و ادارة النادي الأهلي العظيم من اصغر حد لأكبر حد على وقفتهم جنبي طول الوقت الي فات كل الشكر لجمهور النادي الأهلي العظيم الي دائما بجانبي و في ضهري وشكراً لعائلتي و زملاءي و لصحابي و كل حد كان في ضهري و حسبي الله و نعم الوكيل في كل حد ظلمني و شمت فيا عند الله تجتمع الخصوم و انا متأكد إن اجلا ام عاجلا ربنا هياخدلي حقي
واختتم كهربآ. و اخيراً بداية جديدة و باذن الله تبقى بداية خير و انا في ضهري اعظم نادي و اعظم جمهور في الدنيا جمهور الاهلي
