ماتقولوش عليا خاين
روحى فى تراب الوطن
علشان بقول شهداء يناير
إللى مات منهم بطل
هما ماتو ويستحقوا
وبرده كل شهيد له حقه
يتخلد اسمه في الوطن
ليه نشوه شكل صورته
ليه نضلل معنى سيرته
ماتقولوش على إللى ماتوا
كانوا خاينين للوطن
هما أول ثورة قامت
هما أول كلمة قالت
مش بظلم حانتحكم
قاموا ثورة. مش مناورة
مش لوع ولا بالمحاورة
هما قالوا الظلم يمشى
حلم وردى وماكتملشى
شدوا أول سطر فى كتاب الحياة
هما صرخوا وقالوا لا
ياما هتفوا وياما قالوا
وطنا حانغير له حاله
هما ثورة بس كانت ناقصة قائد
يجى ويغير مصيرها
جم خادوها وغيروها وبدلوها
خلو حلم شبابها جواها إنكسارها
هى ثورة حق جات تقول للظلم لأ
هما أبطال الشهادة
إللى قالوا في كل صرخة
القيادة مش عبادة
يبقى لازم نفتكرهم
برده كتر ألف خيرهم
رحلوا عنا
وآدينا شفنا شر غيرهم
كل واحد فينا من قلبة ظالمهم
إللى مات منهم
اديه خاد حلمه معاه
هما شهداء علمونا
ليه وفين وازاى نقول للظلم لأ
زرعوا مدرسة الأمل
وماتوا من أجل مدرسة الحياة
يبقى لازم نفتكرهم
ونقول لهم المعزرة
ندعى ليهم من قلوبنا
بالسماح والمغفرة
كل شهداء الوطن
إللى مات منهم بطل
رحم الله شهداء
ثورة يناير من أبنائنا جيش وشرطة.وتبقى.مصر.فوق.رؤسنا
تاج نفتخر به برغم أنوف الحاقدين
تحيا مصر..تحيا مصر.تحيا.مصر
