أرملة «شهيد الغدر» تروي بالدموع ملحقتش أشبع من جوزي ومش مصدقة إن صديقه اللى أنهى حياته

كتب: رامى داود

أرملة «شهيد الغدر» تروي بالدموع
ملحقتش أشبع من جوزي ومش مصدقة إن صديقه اللى أنهى حياته

كشفت دعاء، أرملة المهندس احمد عاطف، «شهيد الغدر» بالدقهلية، والذى أنهى صديقة حياته بسبب خلافات مالية، تفاصيل مثيرة حول وفاه زوجها وعلاقته بالمتهم بإنهاء حياته.

وقالت «دعاء»، خلال مداخلة هاتفية في برنامج «حضرة المواطن»، مع الإعلامي سيد علي، إنها حتى الآن في صدمة مما حدث، ولا تُصدق أن زوجها فارق الحياة، والصدمة الثانية لها هي أن من قام بقتل زوجها هو صديقه، الذي كان زوجها يقوم بحل كل مشكلاته، ويصلح بينه وبين زوجته، ويحاول بقدر المستطاع أن يجعله يرى أبناءه، «يعني جوزي كان بيجبله عياله يشوفهم وهو يتم عياله بدري».

وأضافت «دعاء»: “صديق زوجي يخلي الواد يتولد ميشوفش أبوه ولا أبوه يشوفه ولا يشيله، مصعبش عليه لما كلمته الصبح وقولتله أحمد فين وبعيط، وقولتله آخر مرة كان معاك، وكنتم على كوبري الجامعة، رد عليا قالي أنا ركبته تاكسي، مش عارفة البني آدم ده إيه وقلب إيه وضمير إيه اللي عنده”.

وتابعت باكية: «قلبه إيه اللي يشوفني منهارة ويكلم ابنه وهو واقف معاه، يقوله حاضر يا حبيبي ويقوله أنا اتأخرت عليك وهجيلك، أي قلب وأي ضمير وأي انسانية تخليك تعمل في صاحبك كده، لو على الفلوس والتعاملات المالية اللي بينهم، كان بياخد الفلوس وياخد الشيكات وأحمد يمضيله كمان على فلوس بس يسيب جوزي يشيل ابني، ملحقتش أشبع من جوزي، ابني الصغير سليم مش هيقول يابابا لأنه عنده 9 أيام».