دونجا: «مش عارف إزاي إمام عاشور راح الأهلي وعبدالله السعيد ممكن ينتقل للزمالك

كتب: كريم حسن

تمنى نبيل عماد «دونجا»، لاعب خط وسط الفريق الأول لكرة القدم بنادي الزمالك، انضمام عبدالله السعيد، صانع ألعاب فريق بيراميدز، لصفوف القلعة البيضاء، خلال الميركاتو الشتوي الجاري.

وقال دونجا، خلال حواره ببرنامج «اللعيب»، المذاع عبر فضائية «إم بي سي مصر»: «أتمنى انضمام عبدالله السعيد، للزمالك، أنا اكتر واحد هبقى سعيد، لو عبدالله، انتقل للزمالك».

وأضاف: «عبدالله السعيد، ممكن ينضم للزمالك ليه لأ»، مضيفًا: «عبدالله، أفضل لاعب في مصر في مركزه، ولسة مفيش حد جه زيه».
وأشار: «زعلت إن إمام عاشور، مشي وراح الأهلي، لأن اللي كنت بشوفه منه مش هو ده اللي يروح الأهلي».
وأتم: «إمام عاشور صديق لي قبل ما انتقل للزمالك، وهو كان يشجعني على الانتقال للقلعة البيضاء»، مشيرًا: «أحد لاعبي الأهلي أيضًا طلب مني الانضمام للفريق الأحمر».