اخبار الرياضة
أخر الأخبار

تصريحات ايمن الرمادي خلال المؤتمر الصحفي قبل لقاء فاركوش

كتب: كريم حسن

 

صرح ايمن الرمادي خلال المؤتمر الصحفي قبل لقاء فاركو

أنا حابب أبدأ بشكر وعرفان لناس واقفة مع الزمالك بجد، وبيساعدوا من غير أي مصلحة أو منصب، على رأسهم الكابتن أحمد عبد الحليم، وكمان أشرف قاسم، وجمال عبد الحميد، وإسماعيل يوسف، وتامر عبد الحميد (دونجا).. الناس دي بتشتغل من قلبها عشان حب الزمالك

• الزمالك داخل على فترة كويسة إن شاء الله، بس عاوز أوضح حاجة مهمة، مفيش حد ليه فضل على النادي ده، الحلقة الأقوى دايمًا هي الجمهور.. مفيش حد ساعد الزمالك إلا النادي ردله الجميل أضعاف، الجمهور هو اللي بيحب بصدق من غير ما يستنى مقابل

• لكل اللاعبين والجهاز الفني والإداري والطبي.. إحنا مش بنلعب مجرد ماتش نهائي كأس مصر، الموضوع أكبر، أنا لما دخلت لقيت صعوبات كتير، ولو كسبت 5% من حب جماهير الزمالك فأنا كده كسبت كتير، الفترة الجاية محتاجة تفاني وتعب وعطاء

• عندنا ماتش مهم جدًا، ولازم نشتغل عليه صح، إحنا بنمر بصعوبات بس النجاح اللي بييجي من المعاناة بيكون طعمه أحلى، فيه إصابات آه، بس واثق في كل اللعيبة اللي هتلعب، وحاسس إني محتاج التوفيق من ربنا الفترة الجاية عشان نفرّح الجماهير

• لو إراحة اللعيبة هتكون في مصلحة الفريق هنعمل كده، ولو مشاركة الأساسيين هي الأحسن ليهم هنلعبهم، القرار هيكون على حسب المصلحة العامة

• أغلب المصابين ممكن يكونوا جاهزين قدام فاركو، بس لازم يكونوا كمان في فورمة فنية مش بس متعافيين، ممكن ناصر منسي يبقى موجود بس مش شرط يبدأ، محمود بنتايج لسه محتاج شوية أيام

• غيّرنا ملعب التدريب الفترة اللي فاتت عشان نغيّر الحالة النفسية للاعيبة، ونخرجهم من جو معين، ونتدرب على ملعب أحسن.. وده شغل واجتهاد مننا كجهاز فني

• اللي بيحصل حوالين الفريق ساعات بيبقى شائعات، وحاجات بتتضخم، وده عيبنا إحنا، لازم نبقى حذرين أكتر، كل الأندية عندها مشاكل، بس اللي بيحصل في الزمالك بيتضخم

• رسالتي لجمهور الزمالك.. أنتم الحلقة الأقوى في الزمالك، حتى لو حصل خطأ منكم بيكون نابع من حبكم وغيرتكم، 95% من جمهور الزمالك ناس بسيطة، عاوزين يفرحوا بس، وأي خطأ منهم مش كبير، أنتم الأهم في النادي ده

 

وتشدد جمهورية مصر العربية على ما يمثله هذا القرار من مخالفة فادحة لقرارات الشرعية الدولية، وعلى رأسها اتفاقية جنيف الرابعة، وقرارات مجلس الأمن بما فى ذلك قرار ٢٣٣٤، بالإضافة إلى الرأي الاستشاري لمحكمة العدل الدولية بشأن الاحتلال الإسرائيلي للأراضي الفلسطينية.

وتؤكد جمهورية مصر العربية على أن إقامة دولة فلسطينية مستقلة على خطوط ٤ يونيو ١٩٦٧ وعاصمتها القدس الشرقية هو حق غير قابل للتصرف للشعب الفلسطيني، ومطلب دولي مشروع لا رجعة فيه، وأن المستوطنات الاسرائيلية ليس لها أي أساس قانوني وتشكل انتهاكًا صارخًا للقانون الدولي واتفاقيات جنيف الرابعة التى تؤكد عدم جواز قيام دولة إحتلال أن ترحل أو تنقل جزءاً من سكانها إلى الأراضي التي تحتلها. كما تشكل المستوطنات الاسرائيلية عقبة رئيسية أمام تحقيق حل الدولتين والسلام العادل والدائم والشامل.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى