كتب: كريم حسن
كشف الإعلامي أحمد شوبير حارس مرمى الأهلي السابق عن مفاجأة بشأن الحراس الثلاثة لمنتخب مصر في بطولة كأس أمم أفريقيا بعدما تعرض الحارس المخضرم أحمد الشناوي حارس فريق بيراميدز لإصابة قوية أمس الأول.
وقال أحمد شوبير في تصريحات إذاعية صباح اليوم الثلاثاء: نقول لحارس مرمى منتخب مصر وفريق بيراميدز أحمد الشناوي مليون سلامة، أحمد خلاص تقدر تقول خرج من قائمة منتخبنا في كأس الأمم الأفريقية، لإن النهاردة 17 ديسمبر وووفقا للتقرير الطبي الشناوي قدامه من 3 إلى 4 أسابيع للعودة.
وأوضح شوبير: «أعتقد إن مستر فيتوريا هيعيد حساباته من جديد في حراس مرمى منتخب مصر، ولكن أنا بقول لك في 2 ضامنين مكانهم وهما محمد الشناوي ومحمود جاد
وتابع شوبير: «كله هيقول لي بتقول أيه يا كابتن محمود جاد إزاي، هقول لك اسمع مني أنا عارف فيتوريا كويس وعارف بيفكر إزاي وبيفكر في مين
وحول حارس الزمالك محمد صبحي الذي كان عنصرًا دائما في المنتخب الفترة الماضية قال شوبير:«أنا أول واحد هطلع انتقد فيتوريا لو اختار صبحي عشان بقاله شهرين مالوش علاقة بالملعب وهو الراجل بيقول أنا باخد الناس اللي رجليها في الملعب
