كتبت: هاندا وليد
وجّه الإعلامي أحمد موسى، التحية للدكتور مصطفى مدبولي رئيس الحكومة، على اجتماعه يوم الخميس الماضي مع الأجهزة الرقابية لكشف الفساد والمتلاعبين بالأسعار ومحتكري السلع.
وتابع موسى خلال تقديم برنامجه «على مسئوليتي»، على قناة «صدى البلد»، مساء الثلاثاء: «خروج مستشار وزير التموين متكلبش من مكتبه بالوزارة يؤكد أن الدولة صاحية ومتسيبش حد يرتكب جريمة أو مخالفة دون القبض عليه»، في إشارة إلى خبر القبض على «شبكة فساد» بوزارة التموين.
وأردف أحمد موسى: «كل التحية لرجال الرقابة الإدارية، لأنه جهاز قوي جدا وقبل كده تم ضبط قضية ودخلوا على مستشار وزير التموين المكتب من غير ما يعرف أو يتوقع».
وواصل: «عمرنا ما عشنا وشوفنا السكر اللي كان بـ75 قرش وجنيه وتلاتة يصل مش عارف كام، في دولة تنتج 95 % من استهلاكها، يبقى هنا في خلل ويتم مواجهته زي ما عملت الرقابة الإدارية في قضيتين كبيرتين».
ولفت إلى «القبض على من دفع رشاوى أو تلقى الرشاوى، والأرقام كبيرة»، معلقا: «معرفش إيه اللي يخلي حد في منصب ياخد أو يدفع رشوة، يقبلها إزاي على نفسه وبيته وأولاده!».
وأكمل: «من يدفع رشوة جنيه يكسب وراه مليون جنيه، ومن حصل على الرشوة يكسب حرام ولا يخسر شيئا لو التاني كسب. فيه يوم حساب هتكون كل المناصب مش موجودة ومحدش هينفع حد فيه، ولازم كل واحد يراعي ربنا ويوم الحساب، ولا يعنيك رضا أو زعل حد، ما يعنيك هو قدرتك على تحمل المسئولية».
وكشف أن «شبكة الفساد تضم مستشار وزير التموين وبعض مسئولي الشركات الخاصة، والمتهمون حصلوا على وقدموا رشاوى للتلاعب في أسعار السلع وحجب المواد التموينية عن المواطنين».
وأشار إلى أن «نيابة أمن الدولة العليا تفتح تحقيقا مع شبكة الفساد بوزارة التموين وتواجههم بالتسجيلات، والرقابة الإدارية تصادر 900 طن سكر ضبطت في أحد مصانع التعبئة».
وختم: «النيابة العامة تأمر بطرح 590 طنا من السكر و54 طنا من الزيت و18 طنا من الأرز بالسعر الرسمي للمواطنين بعد ضبط الكميات
