فى كل بيت متجمعين
على ضحكة حلوة وابتسامة
والكل مُنعم بالدفا
واحنا يادوب نتمنى من البرد السلامة
ويديم على قلوبنا الصفا
فين البشر.ايه.جوا.فى.قلوبهم
حجر
من جواها ليه إختفى
الرافة ومعانى الوفا
ولا عشان الكل مُنعم بالدفا
أطفال وظلم الكون كاسرنا
والبرد حوالينا محاصرنا
والتلج كسر عضمنا
والكل راضين ظلمنا
معقول كدا احنا يكون مصيرنا
ماصعبشى لحظة عليكوا حالنا
يللى انتوا بتقولوا السلام
بصولنا لحظة والسلام
كان نفسنا فى حبة سلام
ترحمنا من برد الشتا
وتخف فى قلوبنا الآلام
قاعدين نفتش فى الخيم
على حتة نتأمن بها
ندارى فيها من العلل
سرب المطر ماوصلهاش
نزلت دموعنا ومالقناش
غير شكوى بس لربنا
يا ربنا أنظر لحالنا
الريح وبرد الكون كاسرنا
أطفال صغار من حقنا
نرفع ادينا لربنا
هو إللى راح يسمع لنا
يارب السماء والأرض
تهون علينا البرد
يللى بإيديك سر المطر ..سر البشر
قول للجميع احنا بشر
شكوتنا بس لربنا
هو إللى راح يرأف بنا
