كتبت: هاندا وليد
أعلن المطرب على الألفي إصابته بفيرس «كورونا» وذلك للمرة الرابعة خلال الثلاثة سنوات، حيث أكد بأنه أصيب بها بعد أخر حفله له والتي كانت منذ أسبوعين.
وأضاف «الألفي» عبر «فيس بوك»: «تجربة الكورونا لرابع مرة خلت الموضوع فلسفي أكتر، من اسبوعين كنت بغني وبدب برجلي في الأرض كما لو كنت الاقوى في الدنيا في حضور صحابي، وبعدها بفترة وصلت لمرحلة من ألم العظم والسخونية اني اتصل بأصدقائي ابكي من الألم، ودي مرحلة كل اللي عارفينني متأكدين اني ما بوصلهاش بسهولة أنا زمان عملت عملية ورجعت سايق يا جدع ولا يهمني».
وتابع: «كنت بتعامل مع الحالة أنها دور برد لغاية ما القهوة طعمها بقى مية وملح والبرفانات اتشوهت ريحتها الكورونا مزيج من المرض والألم والسجن الانفرادي، ولو انت لوحدك مفيش قدامك غير انك تنشف وتقوم تخدم نفسك، اقصى ما يمكن للجميع تقديمه هو مكالمة ن ورغم انها حقيقي بتفرق وبتهون نفسياـ لكن بردو بتحس انك في تجربة (يوم يفر المرء من أخيه) وبالتحديد (لكل امرئ منهم شأن يغنيه) احنا لوحدنا في الدنيا شايلين شيلتنا وهنقابل ربنا شايلين شيلتنا مهما كانت عزوتك ومهما كنت مسنود ب سند هتيجي لحظة حقيقة تعرف فيها حجمك مقدرتك يا رب اغفر لي كل لحظة تناسيت فيها قوتك وسمحت لنفسي بغضبك يا رب استغفرك ربي وأتوب اليك وبشهد عليا كل اللي يقرا الكلام ده وانت خير الشاهدين»
